پاکستان فٹبال فیڈریشن کی فلسطینی ٹیم کو دورہ پاکستان کی دعوت

پی ایف ایف نے خط کے ذریعے فلسطینی ٹیم کو پاکستان آنے کی درخواست کی ہے ؛ فوٹو:فائل

---

لاہور: پاکستان فٹبال فیڈریشن نے فلسطینی فٹبال ٹیم کو دورہ پاکستان کی دعوت دے دی۔

ذرائع کے مطابق پاکستان فٹبال فیڈریشن (پی ایف ایف) نے خط کے ذریعے فلسطینی ٹیم سے پاکستان آنے کی درخواست کی ہے، دعوت قبول کرنے کی صورت میں فلسطین کی فٹبال ٹیم 15 نومبر کو لاہور میں ایک میچ کھیلے گی۔

اس سے قبل فلسطین فٹبال ٹیم نے 2011 میں پاکستان کا دورہ کیا تھا، مہمان ٹیم نے میزبان سائیڈ کے خلاف 2 میچز کی سیریز کراچی اور لاہور میں کھیلی تھی۔ جوابی دورے میں پاکستان نے بھی فلسطین کا دورہ کیا تھا۔