سندھ کے تعلیمی اداروں میں انرجی اور سافٹ ڈرنکس پر پابندی عائد

سندھ فوڈ اتھارٹی نے سافٹ ڈرنک سمیت دیگر غیر معیاری اشیا پر پابندی کا نوٹی فکیشن جاری کیا تھا

---

سندھ بھر کے تعلیمی اداروں میں انرجی، سافٹ اور کاربونیٹڈ ڈرنکس کی خرید و فروخت پر پابندی عائد کردی گئی۔

ایکسپریس نیوز کے مطابق کراچی سمیت سندھ بھر کے تعلیمی اداروں میں انرجی، سافٹ اور کاربونیٹڈ ڈرنکس کی خرید و فروخت پر پابندی عائد کردی گئی ہے، اس کے علاوہ اسکولز اور کالجز میں غیر معیاری چپس اور اسنیکس پر بھی پابندی لگادی گئی۔

دوسری جانب ڈائریکٹر پرائیویٹ انسٹی ٹیوشن نے بھی پابندی پر عمل درآمد کروانے کے لیے تعلیمی اداروں کو خط لکھ دیا ہے۔

واضح رہے کہ 5 ستمبر کو سندھ فوڈ اتھارٹی نے سافٹ ڈرنک سمیت دیگر غیر معیاری اشیا پر پابندی کا نوٹی فکیشن جاری کیا تھا۔