ہریتھک روشن کا جنسی ہراسانی میں ملوث ہدایت کار کی فلم چھوڑنے کا اعلان

میں ایسے شخص کے ساتھ کام نہیں کرسکتا جو کسی طرح کی بداخلاقی میں ملوث ہو، اداکار (فوٹو: فائل)

---

بالی ووڈ کے معروف اداکار ہریتھک روشن نے اپنی نئی آنے والی فلم 'سپر 30' کے ہدایتکار وکاس بہل پر جنسی ہراسانی کے الزام کی وجہ سے فلم چھوڑنے کا فیصلہ کیا ہے۔

بالی ووڈ کے ایکشن ہیرو ہریتھک روشن نے اپنی ٹوئٹ میں کہا کہ میرے لیے نا ممکن سی بات ہے کہ میں ایسے شخص کے ساتھ کام کروں جو کسی طرح کی بد اخلاقی میں ملوث ہو، میں اپنی فلم 'سپر 30' کے ہدایتکار وکاس بہل سے درخواست کرچکا ہوں کہ وہ اس معاملے پر حقیقت سامنے لائیں۔

pic.twitter.com/uGT29wKt4z

— Hrithik Roshan (@iHrithik) October 8, 2018

ہریتھک نے یہ بھی لکھا کہ یہ معاملہ رفع دفع نہیں ہونا چاہیے اور ذمہ داروں کو سخت سزا ملنی چاہیے اور جنسی استحصال کا شکار ہونے والے شخص کو اتنا طاقتور بنانا چاہیے کہ وہ اس معاملے پر مزید آواز اُٹھا سکے۔

یہ خبر بھی پڑھیں: ہریتھک کی پاپڑ بیچنے کی تصویر سوشل میڈیا پر وائرل

واضح رہے کہ اداکارہ کنگنا رناوت نے فلم''کوئین''کے ہدایت کار وکاس بہل پر جنسی ہراسانی کا الزام عائد کرتے ہوئے کہا تھا کہ انہوں نے صرف مجھے نہیں بلکہ دیگر خواتین کو بھی جنسی طور پر ہراساں کیا ہے۔