انتخابی ضابطہ اخلاق کی خلاف ورزی پر شیخ رشید کو نوٹس جاری
الیکشن کمیشن کا شیخ رشید کو 48 گھنٹوں میں شوکاز نوٹس کا جواب جمع کرانے کا حکم
شیخ رشید نے این اے 60 کے ضمنی انتخابات میں انتخابی مہم میں حصہ لیا تھا،فوٹو: فائل
الیکشن کمیشن نے وفاقی وزیرریلوے شیخ رشید کو انتخابی ضابطہ اخلاق کی خلاف ورزی پر شوکاز نوٹس جاری کردیا۔
ایکسپریس نیوز کے مطابق الیکشن کمیشن نے شیخ رشید کی این اے 60 کے ضمنی انتخاب میں اپنے بھتیجے شیخ راشد کی انتخابی مہم چلانے سے متعلق ضابطہ اخلاق کی خلاف ورزی کا نوٹس لے لیا۔
یہ بھی پڑھیں: شیخ رشید نے انتخابی قوانین کی دھجیاں اڑا دیں
اتوار کے روز شیخ رشید نے ضمنی انتخاب والے حلقے میں ناشتے کی آڑ میں انتخابی مہم میں حصہ لیا تھا شیخ رشید میڈیا کی نظر سے نہ بچ سکے تھے اور اچانک میڈیا نمائندوں کی موجودگی پر وہ پریشان ہوگئے تھے جب کہ پی ٹی آئی کے کارکنوں نے تقریب کی کوریج سے بھی میڈیا کو زبردستی روک لیا تھا۔
انتخابی ضابطہ اخلاق کی خلاف ورزی کی خبریں چلیں تو الیکشن کمیشن نے نوٹس لیتے ہوئے شیخ رشید کو شوکاز نوٹس جاری کردیا، نوٹس میں کہا گیا کہ آپ نے متعدد بار ضابطہ اخلاق کی خلاف ورزی کی جس پر جواب جمع کرائیں۔ الیکشن کمیشن نے شیخ رشید کو 48 گھنٹوں میں شوکاز نوٹس کا جواب جمع کرانے کی ہدایت کی ہے۔
واضح رہے کہ الیکشن کمیشن قوانین کے تحت کوئی بھی وزیر اپنی پارٹی یا کسی بھی حلقے میں انتخابی مہم میں حصہ نہیں لے سکتا۔ این اے 60 میں ضمنی انتخاب 14 اکتوبر کو ہوں گے اور اس حلقے سے حکمران جماعت تحریک انصاف کے امیدوار شیخ راشد شفیق ہیں۔
ایکسپریس نیوز کے مطابق الیکشن کمیشن نے شیخ رشید کی این اے 60 کے ضمنی انتخاب میں اپنے بھتیجے شیخ راشد کی انتخابی مہم چلانے سے متعلق ضابطہ اخلاق کی خلاف ورزی کا نوٹس لے لیا۔
یہ بھی پڑھیں: شیخ رشید نے انتخابی قوانین کی دھجیاں اڑا دیں
اتوار کے روز شیخ رشید نے ضمنی انتخاب والے حلقے میں ناشتے کی آڑ میں انتخابی مہم میں حصہ لیا تھا شیخ رشید میڈیا کی نظر سے نہ بچ سکے تھے اور اچانک میڈیا نمائندوں کی موجودگی پر وہ پریشان ہوگئے تھے جب کہ پی ٹی آئی کے کارکنوں نے تقریب کی کوریج سے بھی میڈیا کو زبردستی روک لیا تھا۔
انتخابی ضابطہ اخلاق کی خلاف ورزی کی خبریں چلیں تو الیکشن کمیشن نے نوٹس لیتے ہوئے شیخ رشید کو شوکاز نوٹس جاری کردیا، نوٹس میں کہا گیا کہ آپ نے متعدد بار ضابطہ اخلاق کی خلاف ورزی کی جس پر جواب جمع کرائیں۔ الیکشن کمیشن نے شیخ رشید کو 48 گھنٹوں میں شوکاز نوٹس کا جواب جمع کرانے کی ہدایت کی ہے۔
واضح رہے کہ الیکشن کمیشن قوانین کے تحت کوئی بھی وزیر اپنی پارٹی یا کسی بھی حلقے میں انتخابی مہم میں حصہ نہیں لے سکتا۔ این اے 60 میں ضمنی انتخاب 14 اکتوبر کو ہوں گے اور اس حلقے سے حکمران جماعت تحریک انصاف کے امیدوار شیخ راشد شفیق ہیں۔