اسلام آباد: چیف جسٹس افتخار محمد چوہدری سے اٹارنی جنرل منیر اے ملک ملاقات کررہے ہیں ۔ فوٹو : اے پی پی
پیرکو منیراے ملک بطوراٹارنی جنرل تقرری کے بعد پہلی مرتبہ چیف جسٹس کے بینچ میں پیش ہوئے تو چیف جسٹس نے ان کی عزت افزائی کی اور انھیں خوش آمدید کہتے ہوئے کہا کہ ہم آپ کی قانونی مہارت سے آگاہ ہیں اور امیدکرتے ہیں کہ قانون کی حکمرانی اور آئین کی بالادستی قائم کرنے میں آپ اپناکردار اداکریں گے۔ اٹارنی جنرل نے کہاکہ وہ خودکو اس اہم ذمے داری کے قابل نہیں سمجھتے۔ وہ اپنی آئینی ذمے داری کو احسن انداز میں اداکرنے کی بھرپور کوشش کریں گے۔ اٹارنی جنرل نے کہاکہ ملک میں جمہوریت ہے۔
اب ہمیں مضبوط جمہوری روایات قائم کرنی ہیں۔ انھوں نے مزید کہاکہ وہ انسانی حقوق کی منافی کسی عمل کا دفاع ہرگزنہیں کریں گے۔ ان کاکہنا تھاکہ آرٹیکل184(3) کااختیار مخالفانہ نہیں۔ دریں اثنا اٹارنی جنرل نے چیف جسٹس افتخارمحمد چوہدری سے ان کے چیمبرمیں بھی ملاقات کی۔ اس دوران عدلیہ اور دیگرمسائل پر تبادلہ خیال کیاگیا۔ اٹارنی جنرل نے چیف جسٹس کو مکمل تعاون کا یقین دلایا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔