وزیر تعلیم سندھ نے اپنی بیٹی کو سرکاری اسکول میں داخل کرادیا

بہتری کی شروعات اپنے آپ سے اور اپنے گھر سے ہوتی ہے، وزیرِ تعلیم سندھ سردار شاہ۔ فوٹو : فائل

---

وزیر تعلیم سندھ سردار علی شاہ نے اپنی بیٹی کو حیدرآباد کے سرکاری اسکول میں داخل کرادیا۔

وزیر تعلیم سندھ سید سردار علی شاہ نے سرکاری اسکولوں پر اعتماد بڑھانے کی طرف بڑا قدم اٹھاتے ہوئے اپنی بیٹی کو حیدرآباد کے سرکاری اسکول میں داخل کراکر تاریخ رقم کردی، سردار شاہ نے اپنی 9 سالہ بیٹی کیف کو میراں بائی گورنمنٹ گرلز اسکول حیدرآباد میں چوتھی جماعت میں داخل کروایا۔

Minister Education Sindh Syed Sardar Ali Shah has admitted his 8 yrs old Baby in #GovtSchool Miran Bai, at Hyderabad. Minsiter has given confidence to Middle class to get admitted their children in Govt Schools. Lesson must be learnt from Sardar Ali Shah. WellDone pic.twitter.com/y3d0BRkX79

— Nabeel Baloch ( Official ) (@NabeelBalochPPP) October 12, 2018

وزیرِ تعلیم سندھ سردار شاہ کا کہنا تھا کہ بہتری کی شروعات اپنے آپ سے اور اپنے گھر سے ہوتی ہے، سردار شاہ نے اپنے بھائی سرتاج شاہ کی بھی 2 بیٹیوں کو سرکاری اسکول میں داخل کروایا، سرتاج شاہ کی بیٹی علیزہ چھٹی جماعت اور عمیزہ چوتھی جماعت میں پڑھیں گی۔