ترکی میں تیز رفتار ٹرک نہر میں جا گرا 22 افراد ہلاک

مرنے والوں میں 2 کم سن بچوں سمیت حاملہ خاتون بھی شامل ہے ، فوٹو: اے پی پی

---

ترکی میں تیز رفتار ٹرک بے قابو ہو کر نہر میں گرنے کے نتیجے میں 22 افراد ہلاک ہوگئے۔

ترک میڈیا کے مطابق حادثہ مغربی صوبے ازمیر میں پیش آیا جہاں ہائی وے کے قریب تیز رفتار ٹرک ڈرائیور سے بے قابو ہوکر رکاوٹیں توڑتا ہوا نہر میں جا گرا جس کے نتیجے میں ٹرک میں سوار 22 افراد ہلاک ہو گئے۔

مرنے والوں میں 2 کم سن بچوں سمت حاملہ خاتون بھی شامل ہے جب کہ ٹرک ڈرائیور کو زخمی حالت میں اسپتال منتقل کیا گیا۔

پولیس نے ڈرائیور کا ابتدائی بیان قلمبند کرلیا ہے جس میں اس کا کہنا تھا کہ کہ سامنے سے آنے والی کار کو بچاتے ہوئے ٹرک بے قابو ہوکر نہر میں جاگرا۔ ترک میڈیا کا کہنا ہے کہ ٹرک میں غیر ملکی تارکین وطن سوار تھے اور ان کی شناخت کا عمل جاری ہے۔