نارووال میں گھر میں سلنڈر پھٹنے سے 4 افراد جاں بحق
سلنڈر پھٹنے سے گھر میں آگ لگ گئی جس نے دیکھتے ہی دیکھتے پورے گھر کو اپنے لپیٹ میں لے لیا۔
ریسکیو ٹیمیں جائے وقوعہ پر پہنچ کر آگ کو دوسرے گھروں تک پہنچنے میں کامیاب رہیں۔ فوٹو: فائل
رحمان پورہ کے گنجان آباد علاقے میں گھر میں سلنڈر پھٹنے سے 2 بچوں اور خاتون سمیت 4 افراد جاں بحق ہوگئے۔
ایکسپریس نیوز کے مطابق 2 منزلہ گھر میں ایک ہی خاندان کے 4 افراد سورہے تھے کہ اچانک گھر کے کچن میں موجود سلنڈر کے پھٹنے سے آگ لگ گئی جس نے دیکھتے ہی دیکھتے پورے گھر کو اپنی لپیٹ میں لے لیا اور گھر میں موجود چاروں افراد اس کی زد میں آکر جھلس کر جاں بحق ہوگئے جنہیں ڈی ایچ کیو اسپتال منتقل کردیا گیا ہے۔
ریسکیو ٹیموں نے جائے وقوعہ پر پہنچ کر آگ کو دوسرے گھروں تک پہنچنے سے تو روک لیا تاہم وہ آگ لگنے والے گھر میں موجود لوگوں کی جانیں نہیں بچا سکے۔