پاکستان کی نئی حکومت کی ترجیحات عالمی ترقیاتی ایجنڈے سے منسلک ہیں ملیحہ لودھی

پائیدارترقیاتی ایجنڈے کی تکمیل کیلئے بین الاقوامی عزم کی ضرورت ہے، ملیحہ لودھی

ویب ڈیسک October 18, 2018

ایجنڈے کی تکمیل کیلئے وسائل کی دستیابی اورباہمی تعاون کی ضرورت ہے، ملیحہ لودھی: فوٹو: فائل

ڈاکٹرملیحہ لودھی کا کہنا ہے کہ پاکستان پائیدارترقی کے تمام پہلوؤں کا احاطہ کررہا ہے۔

نیویارک میں پاکستان کی مستقل مندوب ڈاکٹرملیحہ لودھی نے جنرل اسمبلی کی کمیٹی کے اجلاس سے خطاب کرتے ہوئے کہا کہ پائیدارترقیاتی ایجنڈے کی تکمیل کیلئے بین الاقوامی عزم کی ضرورت ہے، موجودہ اقتصادی اورمالیاتی ماحول2030 کے ترقیاتی ایجنڈے کی تکمیل کیلئے سازگارنہیں، ہم گلوبل شراکت داری اورتعاون کے فروغ میں کشیدگی کی صورتحال دیکھ رہے ہیں جب کہ ایجنڈے کی تکمیل کیلئے وسائل کی دستیابی اورباہمی تعاون کی ضرورت ہے۔

ملیحہ لودھی کا کہنا تھا کہ پاکستا ن پائیدارترقی کے تمام پہلوؤں کا احاطہ کررہا ہے، حکومت پاکستان نے اگلے تین سال میں 10 ارب پودے لگانے کا عزم کررکھا ہے اورپاکستان کی نئی حکومت کی ترجیحات عالمی ترقیاتی ایجنڈے سے منسلک ہیں۔