پنجاب میں میٹروبسوں پر سالانہ 12 ارب روپے کی سبسڈی دی جا رہی ہے،وزیر خزانہ،فوٹو: فائل
صوبائی وزیرخزانہ مخدوم ہاشم جوان بخت کا کہنا ہے کہ لاہور، ملتان اور راولپنڈی کی میٹرو بسوں پر سالانہ 12 ارب روپے کی سبسڈی دی جا رہی ہے۔ لاہور میں شاہدرہ سے گجو متہ چلنے والی میٹرو بس کے کرایے اسٹاپ ٹو اسٹاپ مقرر ہوں گے اور کرایے ریشنلائز کرنے سے عوام پر بوجھ بھی نہیں پڑے گا اور حکومتی سبسڈی میں بھی کمی آئے گی۔
یہ بھی پڑھیں: شہباز شریف کی میٹرو بس سے دیہاڑیاں
وزیر خزانہ نے بتایا کہ عمران خان کے ویژن کے مطابق نوجوانوں کو روزگار دینے کیلئے جامع پروگرام تیار کر لیا گیا ہے جس کا اعلان جلد کردیا جائے گا۔ چھوٹی امپورٹڈ گاڑیوں کی رجسٹریشن فیس میں کمی اور بڑی گاڑیوں کی فیس بڑھائی گئی ہے، کاشکاروں کیلئے آسان شرائط پر قرضے دیئے جائیں گے اور عوام کومفت علاج کیلیے ہیلتھ انشورنس کارڈ دیے جائیں گے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔