وزیر اعظم اور آرمی چیف کا افغان صوبے قندھار میں حملے پر اظہار مذمت

خواہش کہ افغانستان میں موجود سیکیورٹی فورسز انتشار پر قابو پالیں، سربراہ پاک فوج

ویب ڈیسک October 18, 2018

خواہش کہ افغانستان میں موجود سیکیورٹی فورسز انتشار پر قابو پالیں، سربراہ پاک فوج (فوٹو: فائل)

KARACHI: وزیراعظم عمران خان اور آرمی چیف نے افغان صوبے قندھار میں حملے کی شدید مذمت کی ہے اور جانوں کے ضیاع پر افسوس کا اظہار کیا ہے۔

اپنے ٹوئٹ میں وزیر اعظم عمران خان نے کہا کہ عدم استحکام کی وجہ سے افغانستان کے شہریوں نے بھاری نقصان اٹھایا، پاکستان کو بھی انتخابات کے دوران ایسے ہی نقصان کا سامنا کرنا پڑا۔

Condemnable terrorist attack targeting Kandahar's governor, police chief & Intel chief. Our condolences & prayers go to President Ghani, the families of the victims & the ppl of Afghanistan. Peace & security of Pakistan is inextricably linked to peace & security in Afghanistan.
— Imran Khan (@ImranKhanPTI) October 18, 2018

عمران خان نے کہا کہ قندھار کے گورنر، پولیس چیف اور انٹیلی جنس چیف پر دہشت گرد حملہ انتہائی قابل مذمت ہے, ہماری دعائیں اور ہمدردیاں افغان صدر اشرف غنی، افغانستان کے عوام اور متاثرہ خاندانوں کے ساتھ ہیں، پاکستان کی امن و سلامتی کا افغانستان میں امن و سلامتی سے گہرا تعلق ہے، پاکستان افغانستان کا درد محسوس کر سکتا ہے اور اس مشکل گھڑی میں افغانستان کے ساتھ ہے۔

آرمی چیف جنرل قمر جاوید باجوہ نے بھی افغانستان کے صوبے قندھار میں ہونے والے دہشت گرد حملے کی شدید الفاظ میں مذمت کی ہے۔

COAS condemns Kandahar incident. “Wish to see Afghan and other security forces succeeding to bring an end to this prolonged violence in Afghanistan. Peace in Afghanistan is essential for peace in the region. Support all initiatives towards this end”, COAS.
— DG ISPR (@OfficialDGISPR) October 18, 2018

آئی ایس پی آر کے مطابق سربراہ پاک فوج جنرل قمر جاوید باجوہ نے کہا ہے کہ خطے میں امن کے لیے افغانستان میں امن و استحکام ضروری ہے، ہماری خواہش اورا مید ہے کہ افغانستان میں موجود سیکیورٹی فورسز انتشار پر قابو پالیں گی۔

دریں اثنا دفترخارجہ نے بھی قندھار حملے کی مذمت کی ہے۔ دفترخارجہ کی جانب سے جاری کردہ بیان میں کہا گیا ہے کہ مشکل کی اس گھڑی میں افغان حکومت اور عوام کے ساتھ کھڑے ہیں، افغانستان میں پائیدار امن واستحکام کے لیے جمہوریت ناگزیر ہے، امید ہے افغان پارلیمانی انتخابات پرامن ہوں گے، پاکستان افغان جمہوری عمل کی حمایت کا اعادہ کرتا ہے۔