شہید سپاہی اقبال کی نماز جنازہ ادا کر دی گئی

اقبال کی شہادت پر اسکے بوڑھے ماں باپ کو اس سے بچھڑنے کا غم تو ہے لیکن اس کی شہادت پر فخربھی ہے۔فوٹو: ایکسپریس

---

کامرہ ائیر بیس پہ حملے میں شہید ہونے والے سپاہی محمد اقبال کی نمازِجنازہ اداکردی گئی۔

شہیدسپاہی کاجسد خاکی راولپنڈی سےہیلی کاپٹرکے ذریعےسرگودھا ایئربیس لایاگیاجس کے بعد اسےایمبولینس کےذریعےاسکےآبائی گاؤں پہنچایاگیا،جہاں اس کی نمازِجنازہ اداکردی گئی۔

محمد اقبال خوشاب کےگاؤں برج مہرہ میں کا رہنے والا تھا اقبال کی شہادت پر اسکے بوڑھے ماں باپ کو اس سے بچھڑنے کا غم تو ہے لیکن اس کی شہادت پر فخربھی ہے۔

محمد اقبال کا ایک نوماہ کابیٹا کاشان اقبال ہے، اقبال نے فوج میں پانچ سال پہلے شمولیت اختیار کی تھی اوروہ دوبھائیوں میں سب سے بڑاتھا۔

اس کا چھوٹا بھائی ابھی پڑھ رہاہے لیکن اس کا ارادہ بھی بھائی کےنقشِ قدم پرچلنےکا ہے۔

اس کے بھائی کا کہنا ہے " میں بھی بھائی کی طرح جان قربان کردونگا۔"

کامرہ ائیر بیس پر حملہ جمعرات کی رات کو کیا گیا تھا اور اس حملہ کی زمہ داری تحریک طالبان پاکستان نے قبول کر لی ہے۔ ادھر رحمان ملک نے کہا ہے کہ کامرہ ائیر بیس پر حملہ کرنیوالےچار دہشتگردوں کی شناخت ہوگئی ہے اوران کا تعلق وزیرستان سے ہے۔