جعلی اکاؤنٹس اومنی گروپ کا چیف فنانشنل افسر لندن سے جدہ پہنچنے پر گرفتار

انٹرپول نے گرفتاری سے آگاہ کیا، چندروزمیں واپس لایا جائیگا،اسلم مسعودتحقیقات شروع ہونے پر9 جنوری کوفرارہوگیا تھا۔

Saleh Mughal October 24, 2018

گرفتاریمنی لانڈرنگ کیس کی تحقیقات میں بہت بڑی کامیابی قرار دی جا رہی ہے، ذرائع۔ فوٹو: فائل

ISLAMABAD: جعلی اکاؤنٹس اور منی لانڈرنگ اسکینڈل میں ایف آئی اے کومطلوب اومنی گروپ کے چیف فنانشل آفیسر اسلم مسعود کو لندن سے جدہ پہنچنے پر انٹرپول نے گرفتارکرکے پاکستانی حکام کو باضابطہ آگاہ کر دیا ہے۔

ایف آئی اے ذرائع کے مطابق ملزم کی حوالگی اور پاکستان واپسی کیلیے ایک سے دو روز میں ٹیم تشکیل دی جائیگی۔آئی این پی کے مطابق ملزم اسلم مسعود منی لانڈرنگ کیس کی تحقیقات کے آغاز پر 9 جنوری کو پاکستان سے فرار ہوگیا تھا۔

ملزم اسلم مسعودکی گرفتاری بہت بڑی کامیابی قرار دی جا رہی ہے، 35 ارب سے شروع ہوکر ایک کھرب تک پہنچنے والے منی لانڈرنگ کیس میں ملوث افراد کے گرد تیزی سے گھیرا تنگ ہورہا ہے۔ملزم کو پاکستان منتقل کرنے کیلیے اقدامات شروع کردیے گئے ہیں۔

ذرائع کے مطابق اسلم مسعودکیخلاف منی لارنڈرنگ کے مقصدکیلیے مختلف لوگوں کے شناختی کارڈاستعمال کرکے جعلی بینک اکاؤنٹس کھولنے اور دیگر الزامات کے تحت ایف آئی اے کراچی میں مقدمہ نمبر 4/2018 درج ہے۔