کوئٹہ میں نجی اسکول کے قریب فائرنگ سے 4 بچے زخمی

نامعلوم افراد اسکول کے قریب فائرنگ کرکے فرار ہوگئے فوٹو: ایکسپریس

---

کلی شابو میں واقع نجی اسکول کے قریب نامعلوم افراد کی فائرنگ سے 4 بچے زخمی ہوگئے۔

ایکسپریس نیوز کے مطابق کوئٹہ کے علاقے کلی شاہو میں نجی اسکول کے قریب نامعلوم افراد فائرنگ کرکے فرار ہوگئے، فائرنگ کے نتیجے میں اسکول کے 4 طلبہ زخمی ہوگئے۔ جنہیں سول اسپتال منتقل کردیا گیا۔

سول اسپتال کوئٹہ کے ترجمان وسیم بیگ نے میڈیا کو بتایا کہ زخمی ہونے والے 4 بچوں میں سے 3 لڑکے اور ایک لڑکی ہے۔ چاروں کو پیر میں گولیاں لگی ہیں اور ان کی حالت خطرے سے باہر ہے۔