پی آئی اے کا کارنامہ دبئی جانیوالے مسافروں کو کراچی پہنچا دیا
لاہور سے دبئی جانے والی پرواز پی کے 203 کو زائد سامان کے باعث کراچی میں اتارا گیا، ترجمان پی آئی اے
لاہور سے دبئی جانے والی پرواز پی کے 203 کو زائد سامان کے باعث کراچی میں اتارا گیا، ترجمان پی آئی اے ۔فوٹو: فائل
باکمال ایئر لائن کا ایک اور لاجواب کارنامہ، پی آئی اے نے دبئی جانیوالے مسافروں کو کراچی پہنچا دیا۔
قومی ایئر لائن کی لاہور سے دبئی جانے والی پرواز پی کے 203 کو زائد سامان کی وجہ سے جناح ٹرمینل پر اتارا گیا، گنجائش سے زیادہ سامان کی وجہ سے طیارے کو دبئی تک فضائی سفر جاری رکھنے میں مشکلات کا سامنا تھا جس کی بنا پر جہاز کی تکنیکی لینڈنگ کروائی گئی۔
ذرائع کے مطابق معاملہ حل ہونے تک پرواز کے مسافر کئی گھنٹے تک ایئر پورٹ کے لاؤنج میں پریشان ہوتے رہے۔
ادھر ترجمان پی آئی اے مشہود تاجور کے مطابق پرواز کو کچھ فنی خرابی کی بنا پر کراچی اتارا گیا، بعد ازاں کراچی کے ہوائی اڈے پر اتاری جانے والی پرواز کو دوپہر 2 بجے دبئی روانہ کر دیا گیا۔