آئرش گلوکارہ سائینڈ اوکونور نے اسلام قبول کرلیا

دائرہ اسلام میں داخل ہونے کے بعد شہدا نے حجاب لینا شروع کردیا ہے فوٹو انٹرنیٹ

---

آئرش گلوکارہ سائینڈ اوکونور دائرہ اسلام میں داخل ہوگئیں جس کی اطلاع انہوں نے ٹوئٹر پر دی۔

90 کی دہائی کی مقبول ترین آئرش گلوکارہ سائینڈ نے سوشل نیٹ ورکنگ سائٹ ٹوئٹر پر اسلام قبول کرنے کی اطلاع دیتے ہوئے کہا کہ انہوں نے اپنانام بھی تبدیل کرکے''شہدا ڈیوٹ''کرلیاہے۔ جب کہ انہوں نے اپنے ان تمام مسلم دوستوں کا بھی شکریہ ادا کیا جنہوں نے انہیں سپورٹ کیا۔

اس کے ساتھ ہی انہوں نے لکھا کہ وہ مسلمان ہونے پر بے حد فخر محسوس کررہی ہیں، 51 سالہ گلوکارہ نے کہا کہ یہ کسی بھی ذہین نظریاتی سفر کا فطری نتیجہ ہے اور جتنے بھی صحیفے ہیں وہ سب اسلام کی طرف جاتے ہیں۔

https://twitter.com/MagdaDavitt77/status/1053340513871384576

سائینڈ کی ایک ویڈیو بھی وائرل ہورہی ہے جس میں وہ آئرش مسلم پیس اینٹی گریشن کاؤنسل کے چیئرمین شیخ ڈاکٹر عمر القادری کے سامنے اسلام قبول کرنے کا اعلان کرتی ہوئی نظر آرہی ہیں، القادری نے یہ ویڈیو ٹوئٹر پر شیئر کرتے ہوئے لکھا سائینڈ(شہدا) اسلام قبول کرنے کے بعد بے حد خوش ہیں۔

World renowned singer Shuhada Davitt @MagdaDavitt77 (#SineadOConnor) has proclaimed the #Shahadah with me in #Ireland. She is so happy ! Masha Allah !#Ireland #Islam #SineadOConnorEmbracesIslam @SineadOconnorHQ pic.twitter.com/mBeHlcrgqW

— Shaykh Dr Umar Al-Qadri (@DrUmarAlQadri) October 25, 2018

سائینڈ اوکونور نے اسلام قبول کرنے بعد حجاب لینا شروع کردیا ہے اور اس کا کریڈٹ بھی انہوں نے اپنی دوست کو دیتے ہوئے کہا کہ مجھے پہلی مرتبہ حجاب میری دوست نے دیا۔

واضح رہے کہ یہ پہلی بار نہیں ہے کہ سائینڈ نے اپنانام تبدیل کیا ہو بلکہ گزشتہ برس بھی انہوں نے اپنا نام قانونی طور پر تبدیل کرکے مگدا ڈیوٹ کرلیاتھا۔