KARACHI: افغانستان میں بم دھماکے میں 5 پولیس اہلکار ہلاک اور 7 زخمی ہوگئے۔

افغانستان کے صوبے پکتیا میں افغان پولیس اہلکار تربیتی سیشن کے بعد واپس جا رہے تھے کہ ضلع جانی خیل کی حدود میں سڑک کنارے نصب بم پھٹ گیا جس کے نتیجے میں 5 اہلکار ہلاک اور 7 زخمی ہو گئے۔

زخمی اہلکاروں کو ہسپتال میں داخل کر دیا گیا ہے۔ صوبائی گورنر کے ترجمان نے واقعہ کی تصدیق کی ہے۔ افغان پولیس اہلکاروں کو غیر ملکی فوجی تربیتی کیمپ میں تربیت دی جا رہی ہے جو 2014 کے بعد ملک کی سیکیورٹی کے معاملات سنبھال لینگے۔