ساف فٹبال پاکستان نے سیمی فائنل میں جگہ بنالی

بھوٹان کو یکطرفہ مقابلے میں 4-0 سے آئوٹ کلاس کردیا، معین احمد کے 2 گولز۔ فوٹو : انٹر نیٹ

---

ساف فٹبال چیمپئن شپ میں پاکستان نے بھارت کے بعد بھوٹان کو بھی 4-0 سے روندکر سیمی فائنل میں جگہ بنالی۔

نیپال کے اینفا کمپلیکس میں ہونے والے اس میچ میں پاکستان نے بیسویں منٹ میں مدثر نذر کے ذریعے پہلا گول کیا جسے صرف 3 منٹ کے بعد افتخار احمد نے دگنا کردیا۔ 29 ویں منٹ میں پاکستانی ٹیم نے ایک بار پھر عمدہ موو بنائی، اس بار معین احمد نے گیند کو گول پوسٹ کے اندر پھینک کر پاکستان کی طرف سے گولز کی ہیٹ ٹرک مکمل کی۔

میچ کے 42 ویں منٹ میں معین احمد نے انفرادی طور پر دوسرا اور مجموعی طور پر چوتھا گول کرکے بھوٹان ٹیم کے میچ میں واپسی کے تمام راستے بند کر دیے، دوسرے ہاف میں کوئی بھی ٹیم مزید گول کرنے میں کامیاب نہ ہوسکی۔

یاد رہے کہ گرین شرٹس نے اس سے قبل بھارت کے خلاف ایک کے مقابلے میں 2 گول سے کامیابی سمیٹی تھی۔