قومی اسمبلی و سینیٹ اجلاس کے دوران وزراء کے دوروں پر پابندی

پابندی کا اطلاق پیر سے ہونے والے قومی اسمبلی اجلاس سے ہوجائے گا

ویب ڈیسک October 28, 2018

وزراء غیر ضرورری دورہ نہ کریں،وزیر اعظم کی ہدایت،زرائع

وزیراعظم عمران خان نے قومی اسمبلی و سینیٹ اجلاس کے دوران وزراء کے دوروں پر پابندی عائد کردی۔

ایکسپریس نیوز کے مطابق وزیر اعظم عمران خان نے قومی اسمبلی و سینیٹ اجلاس کے دوران اراکین کابینہ کے دوروں پر پابندی لگا دی ہے۔ پارلیمنٹ کے اجلاسوں میں شرکت کو یقینی بنانے کے لیے کابینہ کے ارکان وفاقی دارالحکومت میں ہی رہیں گے۔ اجلاسوں کے دوران وزراء بین الاقوامی اور مقامی دورہ بھی نہیں کریں گے۔ پابندی کا اطلاق پیر سے ہونے والے قومی اسمبلی اجلاس سے ہوگا۔

واضح رہے کہ مسلم لیگ (ن) کی طرح تحریک انصاف کی حکومت میں بھی قومی اسمبلی اور سینیٹ کے اجلاسوں میں وزرا کی حاضری انتہائی کم ہوتی ہے ، جس کی وجہ سے ارکان اسمبلی بھی غیر حاضر رہتے ہیں جو کورم مکمل نہ ہونے کا باعث بنتا ہے۔