شاہ رخ خان کی فلم ’زیرو‘ نے ریلیز سے قبل ہی 100 کروڑ کمالیے

فلم 21 دسمبر 2018ء کو سینما گھروں کی زینت بنے گی

ویب ڈیسک October 28, 2018

فلم 21 دسمبر 2018ء کو سینما گھروں کی زینت بنے گی (فوٹو: فائل)

بالی ووڈ کے کنگ شاہ رخ خان کی آنے والی فلم 'زیرو' نے ریلیز سے قبل ہی 100 کروڑ روپے کمالیے ہیں۔

بھارتی میڈیا رپورٹس کے مطابق بالی ووڈ کے صف اول کے اداکار شاہ رخ خان کی آنے والی فلم 'زیرو' نے ریلیز سے قبل ہی 100 کروڑ روپے کمالیے ہیں۔ فلم نے یہ بزنس ڈسٹری بیوشن رائٹس کی مد میں کیا ہے۔ شاہ رخ خان اور اُن کی اہلیہ کی پروڈکشن 'ریڈ چلی' نے پیشگی بنیاد پر فلم کے ڈسٹری بیوشن رائٹس ملک کے مختلف ڈسٹری بیوٹرز کو فروخت کردیئے ہیں۔

انند رائے کی ہدایت کاری میں بننے والی فلم 'زیرو' کے ڈسٹری بیوشن رائٹس کنگ خان کی ماضی کی فلموں 'جب ہیری میٹ سجل' اور 'رئیس' سے بھی زیادہ قیمت پر فروخت ہوئے ہیں تاہم فلم کا بزنس 100 کروڑ سے کم ہونے کی صورت میں ڈسٹری بیوٹرز پیسے واپس کرنے کا بھی مطالبہ کرسکتے ہیں۔

یہ خبر بھی پڑھیں: شاہ رخ خان کی فلم'زیرو'کاٹیزر دیکھ کر ماہرہ خان کا حیران کن ردعمل

واضح رہے کہ انند ایل رائے کی ہدایت کاری میں بننے والی کنگ خان کی فلم 'زیرو' میں کترینہ کیف اور انوشکا شرما بھی مرکزی کردار ادا کرتی نظر آئیں گی۔ یہ فلم 21 دسمبر 2018ء میں سینما گھروں کی زینت بنے گی۔