شاہراہ قراقرم پر کوسٹر گہری کھائی میں گرنے سے 17 افراد جاں بحق ہوگئے۔
ایکسپریس نیوز کے مطابق تھانہ لوٹر کے قریب غذر سے راولپنڈی آنے والی کوسٹر شاہراہ قراقرم سے گہری کھائی میں گرگئی نتیجے میں 17 افراد جاں بحق ہوگئے۔ کوچ میں 18 افراد سوار تھے حادثے میں ایک خاتون معجزانہ طور پر بچ گئیں۔
ڈی پی او کوہستان راجا عبدالصبور کا کہنا تھا کہ پہاڑی علاقہ اور اندھیرا ہونے کے باعث امدادی کارروائیوں میں مشکلات کا سامنا کرنا پڑا۔