ایشیائی پارلیمانی اسمبلی کانفرنس 26 ممالک کے 85 مندوب گوادر پہنچ گئے

ایشیائی پارلیمانی اسمبلی کانفرنس میں شرکت کے لیے 26 ممالک کے 85 مندوبین گوادر پہنچ گئے کانفرنس پیر سے شروع ہوگی۔


ایکسپریس نیوز کے مطابق گوادر میں منعقد ہونے والی ایشیائی پارلیمانی کانفرنس میں شرکت کے لیے شرکا کی آمد کا سلسلہ جاری ہے اب تک کانفرنس میں 26 ممالک کے 85 سے زائد مندوبین گوادر پہنچ چکے ہیں۔

ایشیائی پارلیمانی اسمبلی کانفرنس کی صدارت قائم مقام صدر صادق سنجرانی کریں گے جب کہ کانفرنس میں وفاقی وزراء کی شرکت بھی متوقع ہے۔
کانفرنس کے لیے گوادر پورٹ پر انتظامات مکمل کرلیے گئے ہیں جس کا باقاعدہ آغاز پیر سے گوادر میں ہوگا۔