سانحہ ماڈل ٹاؤن میں ملوث 6 پولیس افسرعہدوں سے برطرف

سانحہ ماڈل ٹاؤن میں ملوث 6 پولیس افسران کوعہدوں سے ہٹادیا گیا۔


ایکسپریس نیوزکے مطابق سانحہ ماڈل ٹاؤن میں ملوث 6 پولیس افسران کوعہدوں سے برطرف کردیا گیا ہے۔ افسران میں معروف صفدر واہلہ ایس ایس پی آر آئی بی فیصل آباد، طارق عزیزایس ایس پی گوجرانوالہ، سید عبدالرحیم شیرازی ایس پی قصور، عمران کرامت کمانڈرلاہوررنگ روڈ پولیس، آفتاب احمد ایس پی مدینہ ٹاؤن فیصل آباد میں پرنسپل پولیس ٹریننگ اسکول فاروق آباد محمد ندیم بھی شامل ہیں۔

افسران کی برطرفی کا آئی جی پنجاب امجد جاوید سلیمی نے باقائدہ نوٹیفکیشن بھی جاری کردیا ہے جب کہ افسران کو سینٹرل پولیس آفس رپورٹ کرنے کا حکم دے دیا گیا ہے۔