آسٹریلیا سے ٹوئنٹی 20 سیریز فخر کا بیٹ خاموش رہا بابر کے 163 رنز

بولنگ میں شاداب خان6 وکٹیں لے کرنمایاں رہے،عماد وسیم اورشاہین شاہ آفریدی نے یکساں طورپر4،4 شکارکرکے اپنا لوہا منوایا۔ فوٹو: سوشل میڈیا

---

آسٹریلیا سے ٹوئنٹی 20 سیریز میں فخر زمان کا بیٹ خاموش رہا اور بابر اعظم نے 163 رنز بنائے۔

آسٹریلیا سے تین میچز پر مشتمل ٹوئنٹی 20 سیریز میں کلین سوئپ کرنے والی پاکستانی ٹیم کے بابر اعظم نے تینوں مواقع سے بھرپور فائدہ اٹھاتے ہوئے سب سے زیادہ 163 رنزاسکور کیے، انھوں نے 2 ففٹیز بنائیں، محمد حفیظ 111رنز بنانے میں کامیاب رہے،شعیب ملک 2 میچز میں 32رنز ہی بنا سکے جب کہ فخر زمان کا بیٹ خاموش رہا اور 2 میچز میں وہ 25محض رنز بنا سکے۔

بولنگ میں شاداب خان6 وکٹیں لے کر نمایاں رہے، عماد وسیم اور شاہین شاہ آفریدی نے یکساں طور پر 4،4 شکار کرکے اپنا لوہا منوایا، فہیم اشرف اور حسن علی نے 3،3 جبکہ حفیظ نے 2 کھلاڑیوں کو ٹھکانے لگایا۔