ایکسپریس ہائی وے پر اے این ایف کی جانب سے کارروائی میں 4 کلو چرس برآمد کرلی گئی۔

ایکسپریس نیوزکے مطابق راولپنڈی میں ایکسپریس ہائی وے پر کھنہ پل کے قریب اے این ایف (اینٹی نارکوٹکس فورس) کی جانب سے کارروائی کی گئی جس کے نتیجے میں گاڑی سے 4 کلو چرس بر آمد کرلی گئی جب کہ 2 ملزمان بھی گرفتارکرلیے گئے ہیں۔

اے این ایف حکام کا کہنا ہے کہ چرس گاڑی کے فیول ٹینک میں چھپائی گئی تھی اورگرفتار ملزمان کی شناخت تحسین اللہ اور بلال کے نام سے ہوئی ہے جن کا تعلق پشاورسے ہے۔