بھارتی گلوکار شان پر کنسرٹ کے دوران پتھراؤ

شرکا کے ردعمل پر شان گانا ادھورا چھوڑ کر اسٹیج سے نیچے اتر گئے اورکنسرٹ چھوڑ کرچلے گئے، فوٹو: فائل

---

بھارت کے نامور گلوکار شان پر میوزک کنسرٹ کے دوران شرکا نے پتھراؤ کردیا۔

بھارتی میڈیا کے مطابق شان کو شمالی ریاست آسام میں اس وقت ایک کنسرٹ میں شریک لوگوں کی جانب سے سخت ردعمل کا سامنا کرنا پڑا جب انہوں نے بنگالی زبان کا گانا شروع کیا، گانے کے بول سنتے ہی لوگوں نے چلانا شروع کردیا اور شان کو باور کرایا کہ یہ ''بنگال نہیں آسام'' ہے۔

شان نے شرکا کے ردعمل کو سنجیدہ نہیں لیا جس پر ہجوم میں موجود کچھ مشتعل افراد نے ان پر پتھراؤ کردیا۔

شان نے شرکا کی اس غیر معمولی حرکت پر سخت ناراضی کا اظہار کیا اور انہوں نے شرکا سے کہا کہ وہ آرٹسٹ کی عزت کا خیال کریں تاہم لوگوں نے ان کی بات کو سننے سے انکار کردیا جس پر وہ گانا ادھورا چھوڑ کر اسٹیج سے نیچے اتر گئے اور پھر کنسرٹ سے چلے گئے۔