زیادہ رن آؤٹس گرین شرٹس نے سب کو پیچھے چھوڑ دیا

مستعد فیلڈرز نے 2سال کے دورن 26 ٹی 20 میچز میں 22 بیٹسمینوں کو پویلین بھیجا

Abbas Raza October 31, 2018

مستعد فیلڈرز نے 2سال کے دورن 26 ٹی 20 میچز میں 22 بیٹسمینوں کو پویلین بھیجا۔ فوٹو : بی سی سی آئی

ٹی ٹوئنٹی کرکٹ میں رن آؤٹس کی تعداد میں گرین شرٹس نے سب کو پیچھے چھوڑ دیا۔

گزشتہ2سال میں پاکستان ٹیم کی فیلڈنگ میں بہتری کا مثبت اثر رن آؤٹس کی تعداد پر بھی پڑا ہے، گرین شرٹس نے اس دوران26 ٹی ٹوئنٹی میچز میں 22 بیٹسمینوں کو فیلڈرز کی مستعدی سے پویلین بھیجا ہے،سری لنکا نے گزشتہ2سال میں23میچز کھیل کر 16رن آؤٹ کیے، پاکستان کی فی میچ رن آؤٹ کی اوسط 0.84 سب سے زیادہ ہے، آئی لینڈرزکی ایوریج 0.70ہے۔

آئرلینڈ 15مقابلوں میں 9 بیٹسمینوں کو کریز تک پہنچنے سے قبل ہی دھر لینے میں کامیاب ہوا،وہ0.60 کی اوسط کے ساتھ تیسرے نمبر پر ہے،ویسٹ انڈیز 19مقابلوں میں 10 اور آسٹریلیا 20میچزمیں 9رن آؤٹس کے ساتھ بالترتیب چوتھے اور پانچویں نمبر پر ہے۔

ٹاپ5کے بعد افغانستان0.45، انگلینڈ0.44، بھارت0.35، نیوزی لینڈ0.33،جنوبی افریقہ0.33، بنگلہ دیش 0.30 اوسط کے ساتھ فہرست میں موجود ہیں، آخری پوزیشن کی حامل زمبابوین ٹیم نے گزشتہ 2 سال میں کھیلے گئے 8 میچز میں ایک بھی رن آؤٹ نہیں کیا۔