نجی اسکولوں کی تنظیم کا یکم نومبرکو تدریسی عمل بند رکھنے کا اعلان

یکم نومبر کو تمام اسکولوں کی ٹرانسپورٹ بھی بند رہے گی۔ فوٹو: فائل

---

آل پاکستان پرائیویٹ اسکولزایسوسی ایشن نے آسیہ بی بی کیس پر ہونے والے احتجاج کے پیش نظر یکم نومبر بروز جمعرات کو پنجاب بھر میں اسکول بند رکھنے کا اعلان کردیا ہے۔

ایکسپریس نیوز کے مطابق آل پاکستان پرائیویٹ اسکولزایسوسی ایشن نے اعلان کرتے ہوئے کہا کہ یکم نومبر بروز جمعرات کو پنجاب بھر میں تمام نجی اسکول بند رہیں گے، اسکول بند رکھنے کا فیصلہ آسیہ بی بی فیصلے کے تناظر میں احتجاج کے پیش نظر کیا گیا ہے۔

صدر آل پاکستان پرائیویٹ اسکولز ایسوسی ایشن کاشف مرزا نے کہا کہ نجی اسکولوں کو یکم نومبر کو ملکی سیکیورٹی صورتحال کے پیش نظر بند رکھا جا ئے گا جب کہ اس دوران تمام اسکولوں کی ٹرانسپورٹ بھی بند رہے گی۔