فلم زیرو 21 دسمبر کو ریلیز کی جائے گی، فوٹو:فائل
بھارتی میڈیا میں ان دنوں ہر طرف کنگ خان کی فلم'زیرو'کے چرچے ہیں، فلم کا ٹریلر شاہ رخ خان کی سالگرہ کے روز یعنی کل جاری کیاجائے گا تاہم اداکار عامر خان پہلے ہی فلم کا ٹریلر دیکھ چکے ہیں۔
گزشتہ روز ٹریلر دیکھنے کے بعد عامر خان نے اسے بہترین قرار دیتے ہوئے فلم میں کترینہ اورانوشکا کی اداکاری کو خوب سراہا۔جب کہ کنگ خان کی اداکاری کے بارے میں انہوں نے رائے دیتے ہوئے کہا کہ ٹریلر میں شاہ رخ سب پر سبقت لے گئے۔ اپنے ٹوئٹر پیغام میں عامر خان نے فلم کی تعریف کرتے ہوئے کہا کہ ان سے فلم دیکھنے کے لیے انتظار نہیں ہورہا۔
https://twitter.com/aamir_khan/status/1057784464628162561
واضح رہے کہ فلم'زیرو'میں شاہ رخ خان ڈبل رول ادا کررہے ہیں جن میں سے ایک پستہ قد کردار ہے، فلم میں کترینہ اور انوشکا کے علاوہ آنجہانی اداکارہ سری دیوی، عالیہ بھٹ، کاجول، رانی مکھرجی اور ابھے دیول بھی مختصر کردار میں نظر آئیں گے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔