ریاست عوام کے جان و مال کی حفاظت یقینی بنائے گی، فواد چوہدری فوٹو: فائل
اپنی ٹوئیٹ میں فواد چوہدری نے کہا کہ ملک بھرمیں حالات کنٹرول میں ہیں، حکومت تشدد سے بچنا چاہتی ہے، آخری وقت تک مسئلے کے پرامن حل کی کوشش کرے گی، سوشل میڈیا پرآپریشن کی افواہیں غلط ہیں۔
فواد چوہدری نے مزید کہا کہ حکومت عوام کی زندگی اورآزادی کی ضامن ہے، ریاست عوام کے جان ومال کی حفاظت یقینی بنائے گی، مظاہرین کے ساتھ مذاکرات جاری ہیں، وفاقی وزیربرائے مذہبی امورپیرنورالحق قادری آج بھی مظاہرین کی قیادت سے مذاکرات کریں گے۔
ملک بھر میں حالات کنٹرول میں ہیں،مظاہرین کے ساتھ مذاکرات جاری ہیں حکومت عوام کی زندگی اور آزادی کی ضامن ہے مظاہرین کے خلاف آپریشن کی سوشل میڈیا پر خبریں غلط ہیں حکومت تشدد کی راہ نہیں اپناناچاہتی مذہبی امور نور الحق قادری آج بھی مظاہرین کی قیادت سے مذاکرات کریں گے،
— Ch Fawad Hussain (@fawadchaudhry) November 2, 2018
واضح رہے کہ گزشتہ روزحکومتی ٹیم نے مظاہرین سے مذاکرات کئے تھے، حکومتی ٹیم کی قیادت وفاقی وزیرمذہبی امورپیرنورالحق قادری کررہے تھے، مذاکرات سے متعلق حکومت کی جانب سے کوئی واضح بیان نہیں آیا تھا تاہم مظاہرین کے رہنما خادم حسین رضوی نے ٹوئٹر پر مذاکرات میں ناکامی کا اعلان کیا تھا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔