کراچی میں تالا توڑ گروپ نے 30 دکانوں کا صفایا کردیا

ملزموں نے مزاحمت پر چوکیدار اور ایک شخص کو بھی زخمی کردیا فوٹو : فائل

---

تالا توڑ گروپ جامع کلاتھ مارکیٹ میں 30 دکانوں کے تالے کاٹ کر نقدی لوٹ کر فرار ہوگیا۔

کراچی میں تالا توڑ گروپ ایک بار پھر سرگرم ہوگیا ہے، ملزمان جامع کلاتھ مارکیٹ کی متعدد دکانوں کے تالے اور کنڈے کاٹ کر نقدی لوٹ کر فرار ہوگئے، متاثرہ دکانداروں کا کہنا ہے کہ ملزمان نے تقریبا 30 دکانوں کے شٹر اور تالے کٹر سے کاٹے جب کہ ملزموں نے مزاحمت پر چوکیدار اور ایک شخص کو بھی زخمی کردیا۔

اس خبر کو بھی پڑھیں : کراچی میں تالا توڑ گروپ نے ایک اور مارکیٹ کا صفایا کردیا

زخمی چوکیدار کا کہنا ہے کہ ملزمان کی تعداد بہت زیادہ تھی، دوسری جانب پولیس نے واقعے کی تحقیقات شروع کردی ہیں اور زخمی چوکیدار کا بیان بھی قلمبند کرلیا گیا ہے۔