وزیر مملکت مراد سعید شیشہ لگنے سے زخمی چہرے پر چار ٹانکے

تحریک انصاف کے رہنما اور وزیر مملکت برائے مواصلات مراد سعید گھر میں شیشہ لگنے کے باعث زخمی ہوگئے ان کی ناک پر چار ٹانکے آئے ہیں۔


ایکسپریس نیوز کے مطابق وزیر مملکت مواصلات مراد سعید شیشہ لگنے کے باعث شدید زخمی ہوگئے۔ ذرائع کے مطابق واقعہ مراد سعید کے منسٹر انکلیوژر والے گھر میں پیش آیا، شیشہ لگنے کے باعث مراد سعید کے ہاتھ اور چہرے پر زخم آئے، جس کے بعد وزیر مملکت برائے داخلہ شہریار آفریدی نے انہیں پولی کلینک اسپتال پہنچایا جہاں انہیں فوری طبی امداد دی گئی۔

ڈاکٹرز کے مطابق مراد سعید کی ناک پر 4 ٹانکے لگے ہیں اور باقی جسم پر کوئی زخم نہیں تاہم ڈاکٹرز نے مشورے کے بعد انہیں آج اسپتال میں ہی رکھنے کا فیصلہ کیا ہے۔