میرپوربٹھورو پی ٹی سی ایل انٹرنیٹ سروس خراب صارفین پریشان

پی ٹی سی ایل کی انٹرنیٹ سروس گزشتہ ایک ہفتے سے خراب ہونے سے 70 فیصد صارفین سہولت سے محروم۔

تفصیلات کے مطابق میرپوربٹھورو میں پی ٹی سی ایل انٹرنیٹ سروس گزشتہ ایک ہفتے سے بند اور ناکارہ ہوچکی ہے جس کے باعث 70 فیصد صارفین پریشانی کا شکار ہیں۔ انٹرنیٹ صارفین انتظار حسین ، گڈو میمن، دیوان ساجن نے کہا کہ انٹرنیٹ سروس کی خرابی سے متعلق متعدد بار پی ٹی سی ایل انتظامیہ کو شکایت درج کرائی جانے کے باوجود سروس بحال نہ ہوسکی۔




انھوں نے بتایا کہ کہ میرپوربٹھورو میں 70فیصد صارفین انٹرنیٹ کیبل باقاعدگی سے اداکرتے ہیں۔ ایک ہفتے سے خراب انٹرنیٹ سروس کو بحال کرنے کے لیے ابھی تک کوئی بھی اقدامات نہیں کیے گئے ۔ انھوں نے مطالبہ کیا کہ انٹرنیٹ سروس فوری بحال کرائی جائے اور صارفین کو مشکلات اور پریشانیوں سے نجات دلائی جائے۔