بالی ووڈ نگری کے لوگ بے حد پیار کرنے والے اور مہربان ہیں علی ظفر

علی ظفر کو یش راج فلمز کی نئی آنے والی فلم ’’کِل دل‘‘ کے لئے بھی سائن کر لیا گیا ہے۔ فوٹو: فائل

---

ISLAMABAD: بھارتی فلموں میں اداکاری کے جوہر دکھانے والے پاکستانی گلوکارعلی ظفر نے کہا ہے کہ بالی ووڈ نگری کے لوگ بے حد پیار کرنے والے اور مہربان ہیں۔

علی ظفر نے کہا کہ اچھا اداکار وہی ہوتا ہے جو خود کو مختلف کرداروں کے روپ میں ڈھال سکے اس لئے میں بھی فلموں میں مختلف قسم کے کردار ادا کرنا چاہتا ہوں۔ انہوں نے کہا کہ میرے کام کو بالی ووڈ میں بے پناہ سراہا گیا اور یہاں کے ہدایت کاروں اور ادکاروں کے ساتھ کام کر کے کافی خوش ہوں، بالی ووڈ نگری کے لوگ بے حد پیار کرنے والے اور مہربان ہیں،علی ظفر کا کہنا تھا کہ آج کے دور میں اچھی فلم بنانے کے ساتھ ساتھ فلم کی صحیح انداز میں تشہیر بھی کافی معنی رکھتی ہے۔

علی ظفر کو یش راج فلمز کی نئی آنے والی فلم ''کِل دل'' کے لئے بھی سائن کر لیا گیا ہے جس کی ہدایت کاری مشہور فلم ساتھیا کے ہدایت کار شاد علی دیں گے، علی ظفر کا کہنا تھا کہ وہ شائقین کو فلم میں ایک نئے ہی روپ میں نظر آئیں گے، میرے برادر کی دلہن کے بعد یہ علی کی یش راج فلمز کے ساتھ دوسری فلم ہو گی۔ اس کے ساتھ ہی علی ظفر فلم ''امن کی آشا'' میں بھی کام کررہے ہیں۔