نواز شریف کی شہباز شریف سے ملاقات نیب کیسز پر مشاورت   

ملاقات میں ملک کی سیاسی صورتحال، پارٹی امور اور آئندہ کی حکمت عملی پر بھی مشاورت کی گئی۔ فوٹو : فائل

---

سابق وزیراعظم نواز شریف نے شہباز شریف سے ملاقات کی جس میں نیب کیسز پر مشاورت کی گئی۔

ایکسپریس نیوز کے مطابق سابق وزیراعظم نواز شریف نے منسٹرز انکلیو اسلام آباد میں اپوزیشن لیڈر شہباز شریف سے ملاقات کی جس میں نیب کیسز پر مشاورت کی گئی۔

ملاقات میں ملک کی سیاسی صورتحال، نیب کیسز، پارٹی امور اور آئندہ کی حکمت عملی پر مشاورت کی گئی، اس کے علاوہ ملاقات میں قومی اسمبلی اجلاس سے متعلق حکمت عملی اور دیگر اپوزیشن جماعتوں سے رابطوں پر بھی تبادلہ خیال کیا گیا۔