گھریلو ناچاقی پر شوہر نے نوجوان بیوی کو قتل کر دیا

پولیس کے مطابق دونوں کے مابین کئی ماہ سے کشیدگی جاری تھی اور آئے دن جھگڑے ہوتے رہتے تھے۔ فوٹو: فائل

---

بلڑی شاہ کریم کے گائوں جاڑا واہ میں شوہر نے بیوی کو قتل کردیا۔ 18 سالہ حلیمہ کی ایک سال قبل فدا حسین منگنھار سے شادی ہوئی تھی۔

پولیس کے مطابق دونوں کے مابین کئی ماہ سے کشیدگی جاری تھی اور آئے دن جھگڑے ہوتے رہتے تھے جس پر لڑکی کا والد یاسین اسے گھر لے گیا تھا تاہم برادری کے بزرگوں کے کہنے پر 15 روزقبل ہی مسمات حلیمہ واپس سسرال آئی تھی، وقوعہ سے ایک روز قبل بھی اس کا شوہر سے جھگڑا ہوا تھا۔



گزشتہ شب جب وہ اپنے گھر میں سوئی ہوئی تھی تو شوہر نے اس پر بندوق سے فائر کردیا جس سے وہ موقع پر ہی جاں بحق ہوگئی۔ ملزم فرار ہوگیا ہے۔پولیس نے ملزم اور اس کے بھائی سلیم کے خلاف مقدمہ درج کرکے ملزمان کے والد یعقوب منگنھار کو حراست میں لے لیا ہے ۔