LONDON: سابق آسٹریلوی کپتان رکی پونٹنگ اکتوبر میں ہرقسم کی کرکٹ سے ریٹائر ہو جائیں گے۔

جدید کرکٹ کے عظیم ترین 38 سالہ بیٹسمین اس وقت انگلینڈ میں سرے کی جانب سے کاؤنٹی کرکٹ کھیلنے میں مصروف ہیں، ان کا کہنا ہے کہ چیمپئنز لیگ ٹوئنٹی 20 میرے کیریئر کا آخری مسابقتی ٹورنامنٹ ہوگا جس میں ممبئی انڈینز کی نمائندگی کروں گا۔ انھوں نے کہا کہ میں اب بھی پہلے ہی کی طرح کرکٹ سے لطف اندوز ہورہا ہوں مگر کھیل کو مکمل طور پر الوداع کہنے کا یہی مناسب وقت ہے، میں اب اپنی زندگی کے نئے دور کا آغاز کرنا چاہتا ہوں۔