کے الیکٹرک نے پاکستان Digi ایوارڈز 2018ء جیت لیا

کے الیکٹرک کے اس وقت پاور یوٹیلیٹی کے فیس بک پیج پر3 لاکھ 40 ہزار اور ٹوئٹر پر 80 ہزار فالوورز ہیں (فوٹو: فائل)

---

کے الیکٹر ک نے پاکستان Digi ایوارڈز 2018 میں مسلسل دوسری مرتبہ 'بیسٹ ڈیجیٹل میڈیا ٹیم' ایوارڈ جیت لیا۔

کے الیکٹرک کے مطابق ایوارڈز کی تقریب کراچی کے ایک مقامی ہوٹل میں منعقد ہوئی جس میں ڈیجیٹل انڈسٹری سے تعلق رکھنے والے اعلیٰ ٰدرجہ کے پروفیشنلز نے شرکت کی۔

پاکستان Digi ایوارڈز کسٹمرز کو سوشل میڈیا پلیٹ فارمز کے ذریعے زیادہ سے زیادہ سہولت پہنچانے اور جدید ترین ڈیجیٹل سلوشنز کی فراہمی پر دیا جاتا ہے۔ کے الیکٹرک کے اس وقت پاور یوٹیلیٹی کے فیس بک پیج پر 3 لاکھ 40 ہزار اور ٹوئٹر پر 80 ہزار سے زائد فالوورز ہیں۔

کے الیکٹرک کی ڈائریکٹر مارکیٹنگ اینڈ کمیونی کیشنز سعدیہ دادا نے کہا ہے کہ یہ ایوارڈ صارفین کو سہولت فراہم کرنے اور کے الیکٹرک کے سوشل میڈیا اور انگیجمنٹ کے معیار کو ظاہر کرتا ہے، ادارہ صارفین پر توجہ مرکوز رکھنے والی ٹیکنالوجیز اور سلوشنز پر عمل درآمد کے لیے ہمیشہ پیش پیش رہتا ہے تاکہ ہمارے صارفین کو مزید فائدہ حاصل ہو۔