غیرقانونی محاصرےکارکنوںکی گرفتاری رکوائی جائے رابطہ کمیٹی

نامعلوم مقام پرمنتقل کیے گئے ایم کیوایم کے ذمے داران وکارکنان بازیاب کرائے جائیں فوٹو فائل

---

متحدہ قومی موومنٹ کی رابطہ کمیٹی نے قانون نافذکرنیوالے اہلکاروں کی جانب سے مختلف علاقوں کے غیرقانونی محاصروں اور گھروں پر بلاجواز چھاپوں اور کارکنوں کو نامعلوم مقام پر منتقل کرنے کی سخت الفاظ میں مذمت کی ہے اور مطالبہ کیاہے کہ غیرقانونی محاصروں اور چھاپوں کے دوران گرفتارکیے گئے ایم کیوایم کے ذمے داران اورکارکنان کو فی الفوربازیاب کرایاجائے۔

ایک بیان میں رابطہ کمیٹی نے کہاکہ گزشتہ چندہفتوں سے قانون نافذ کرنے والے اداروں کی جانب سے ایم کیو ایم کے خلاف جاری غیر اعلانیہ آپریشن کے دوران ایم کیوایم کے درجنوں کارکنوںکو گھروں سے گرفتار کیاجا چکاہے۔



جمعرات کی صبح بھی قانون نافذ کرنے والے اداروں نے پی آئی بی کالونی کے علاقے غوثیہ کالونی کا غیرقانونی محاصرہ کرکے ایم کیوایم پی آئی بی سیکٹر یونٹ58 کے سابق ذمے داران عابدالٰہی ولد نورالٰہی، اکرام ولد عمردین، شفیق ولد محمداحمد دین، عمران ولداسلام اور ان کے برادرنسبتی احمد ولدسلیم کو بلاجواز گرفتار کرکے نامعلوم مقام پر منتقل کردیا گیا،ایم کیوایم نارتھ ناظم آباد سیکٹر یونٹ176کے کارکن محمدعلی ولد محمداحسن اور یونٹ 170 کے انچارج دلاورمیاں ولد شبیرمیاں کو گرفتار کرلیا جن کے بارے میں کچھ نہیں بتایا جارہا۔