بھارتی مظالم کشمیریوں کی جدوجہد کو نہیں کچل سکتے ترجمان پاک فوج

کشمیری شہداء کی قربانیاں انشاء اللہ ضرور رنگ لائیں گی، میجر جنرل آصف غفور فوٹو:فائل

---

ترجمان پاک فوج میجر جنرل آصف غفور نے کہا ہے کہ بھارتی مظالم کشمیریوں کی جدوجہد کو نہیں کچل سکتے۔

یوم شہدائے کشمیر پر ڈی جی آئی ایس پی آر میجر جنرل آصف غفور نے 6 نومبر1947 سے اب تک کے تمام کشمیری شہداء کو خراج عقیدت پیش کیا۔ ڈی جی آئی ایس پی آر نے کہا کہ کشمیری شہداء کی قربانیاں انشاء اللہ ضرور رنگ لائیں گی، کشمیری عوام اپنے جائز حق خودارادیت کے لیے جدوجہد کررہے ہیں اور مقبوضہ کشمیر میں قابض بھارتی افواج کے مظالم کشمیریوں کی جدوجہد کو کبھی نہیں کچل سکتے۔

Tribute to Kashmiri martyrs of 6 Nov 1947 & till date on KashmirMartyrsDay. Their great sacrifices shall accrue result IA.Continued atrocities by Indian Occupation forces can never suppress just political struggle for their legitimate right of self determination.#KashmirBlackDay

— DG ISPR (@OfficialDGISPR) November 6, 2018

واضح رہے کہ 6 نومبر1947 کو بھارتی فوج، ڈوگرہ راجہ مہاراجہ ہری سنگھ اور ہندو انتہا پسندوں نے جموں و کشمیر کے عوام پر مظالم کے پہاڑ گرائے تھے اور پاکستان ہجرت کرنے والے 2 لاکھ کشمیری مسلمانوں کا قتل عام کیا تھا۔ انہی کی یاد میں ہر سال 6 نومبر کو یوم شہدائے کشمیر منایا جاتا ہے۔