کترینہ کیف اس سیارے کی نہیں وہ ایلین ہیں عامرخان

مجھے سمجھ نہیں آتا آخر کترینہ اتنا اچھا ڈانس کیسے کرلیتی ہیں، عامر خان

ویب ڈیسک November 07, 2018

جب ’ثریاجان‘ گانے کے ڈانس اسٹیپس دیکھے تو لگا کترینہ یہ نہیں کرپائیں گی، عامر خان

بالی ووڈ کے مسٹرپرفیکشنسٹ عامرخان نے کترینہ کیف کو ایلین قرار دیتے ہوئے کہا ہے کہ وہ انہیں اس سیارے کی نہیں لگتیں۔

مسٹر پرفیکشنسٹ عامر خان کی تعریف تو ہر کوئی کرتا ہے لیکن وہ بھی دوسروں کی تعریف کرنے میں کسی سے کم نہیں، آج کل وہ بالی ووڈ کی باربی ڈول کترینہ کیف کی تعریفوں میں زمین آسمان کے قلابے ملانے میں مصروف ہیں۔

اس خبرکوبھی پڑھیں: عامر خان کا کترینہ کیف پر دل آگیا

عامر خان نے 'ثریا جان' گانے میں کترینہ کے رقص کی تعریف کرتے ہوئے کہا ہے مجھے سمجھ نہیں آتا آخرکترینہ اتنا اچھا ڈانس کیسے کرلیتی ہیں، مجھے تو وہ اس سیارے کی لگتی ہی نہیں وہ ایلین ہیں، جب میں نے 'ثریا جان' گانے کے ڈانس اسٹیپس دیکھے تو مجھے لگا کترینہ یہ نہیں کرپائیں گی لیکن انہوں نے بہت ہی بہترین اندازمیں رقص کیا، وہ بہت محنتی ہیں۔

اس خبرکوبھی پڑھیں: 10 سال محنت کرلوں تو بھی کترینہ جیسا ڈانسر نہیں بن سکتا

یہ پہلی بارنہیں کہ عامر نے کترینہ کے ڈانس کی تعریف کی ہوبلکہ اس سے قبل بھی کئی مواقعوں پر وہ ان کی تعریف کرچکے ہیں۔ چند روز قبل 'ثریا جان' گانے کی ریلیز کے موقع پر ان کا کہنا تھا کہ کترینہ اتنا اچھا رقص کرتی ہیں کہ وہ دس سال میں بھی ان جیسا رقص نہیں کرسکتے اور اس سے پہلے بھی وہ کترینہ کے لیے اپنی دیوانگی کا اظہار کرتے ہوئے کہہ چکے ہیں کہ 'دھوم3' کے وقت سے میرا کترینہ پر دل آیا ہوا ہے۔