گورنرپنجاب 11 نومبر کو پہلے فلٹر پلانٹ اور طبی سینٹر کا افتتاح کریں گے فوٹو: فائل
ایکسپریس نیوز کے مطابق گورنر پنجاب چوہدری محمد سرور نے صوبے بھر کی جیلوں میں قیدیوں کے لئے واٹر فلٹریشن پلانٹس لگانے اور کلینیکل سینٹر قائم کرنے کا فیصلہ کیا ہے۔
جیلوں میں واٹر فلٹریشن پلانٹس کی تنصیب اور کلینیکل سینٹرز کے قیام کے تمام اخراجات گورنر پنجاب چوہدری محمد سرور ذاتی طورپر برداشت کریں گے اور یہ تمام منصوبے سرور فاونڈیشن کی مدد سے مکمل کئے جائیں گے۔ پہلا واٹر فلٹر پلانٹ اور کلینیکل سینٹر فیصل آباد کی ڈسٹرکٹ جیل میں قائم ہوگا۔ اس کا افتتاح 11 نومبر کو گورنر پنجاب خود کریں گے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔