ساہیوال روڈ پر بس حادثے میں 2خواتین سمیت 3 افراد جاں بحق جب کہ 7زخمی ہوگئے۔

پاکپتن میں ساہیوال روڈ چک 34EB کے قریب فورٹ عباس سے فیصل آباد جانیوالی تیز رفتار بس درخت سے ٹکرا گئی جس کے نتیجے میں 2خواتین سمیت 3 افراد جاں بحق اور 7زخمی ہوگئے، لاشوں اور زخمیوں کو طبی امداد کے لیے قریبی اسپتال منتقل کردیا گیا ہے۔

ریسکیو ذرائع کے مطابق فیصل آباد کے رہائشی محمد اسلم، لبنیٰ زوجہ قیصراور شیریں عمران زوجہ عمران موقع پر چل بسے۔