بیوی کی غیر اخلاقی ویڈیوز بناکر بلیک میل کرنے والا شوہر گرفتار

ملزم نے سوشل میڈیا پر دوستی کے بعد میں شادی کی اور پھر اپنی بیگم کو ہی بلیک میل کرنے لگا۔ فوٹو: فائل

---

PESHAWAR: ایف آئی اے نے گوجرانوالہ میں کارروائی کے دوران بیوی کی غیر اخلاقی ویڈیوز بناکر بلیک میل کرنے والے شوہر کو گرفتار کرلیا۔

ایف آئی اے کے مطابق ملزم ارسلان نے سعودی عرب میں مقیم گجرات کی رہائشی لڑکی ثانیہ سے سوشل میڈیا پر دوستی کی اور بعد میں شادی کرلی تاہم دونوں کے گھر والے شادی سے لاعلم تھے، شادی کے بعد ارسلان نے ثانیہ کی غیراخلاقی ویڈیوز بنائیں اور بلیک میل کرنے لگا۔

ایف آئی اے کا کہنا ہے کہ ملزم بلیک میل کرکے لڑکی سے لاکھوں روپے بٹور چکا ہے تاہم مسلسل بلیک میلنگ سے تنگ آکر لڑکی نے گھر والوں کو بتادیا جس کے بعد ایف آئی اے نے کارروائی کے دوران ملزم کو گرفتار کرکے موبائل سے غیر اخلاقی ویڈیوز بھی برآمد کرلی ہیں۔