پشاور کے علاقہ تھانہ پہاڑی پورہ کی حدود میں رواں ہفتے رہزنی کی دوسری بڑی واردات میں سیاہ کپڑوں میں ملبوس 3 مسلح افراد نے موٹر وے پر مردان سے آنیوالے طورو کے 2 رہائشیوں اجمل اور وہاب کو اسلحہ کی نوک پر لوٹ لیا۔

اجمل اور وہاب مردان سے کرنسی تبدیل کرانے پشاور آرہے تھے جنھیں مبینہ طور پر ڈھائی کروڑ روپے کی غیرملکی کرنسی سے محروم کر دیا گیا۔ پولیس نے واقعے کی رپورٹ درج کرکے تفتیش شروع کر دی ہے چند روز قبل بھی موٹر وے پر پولیس وردی میں ملبوس افراد نے مالاکنڈ سے آنیوالی گاڑی کو موٹر وے پر ہی لوٹا تھا۔