’ٹھگز آف ہندوستان‘ کی ناکامی سے سلمان خان بھی خوفزدہ

سلمان خان نے ناکامی کے ڈر سے فلم’دبنگ3‘ کی ریلیز آگے بڑھادی ہے، فوٹوفائل

---

عامر خان کی فلم 'ٹھگز آف ہندوستان' کی ناکامی نے بالی ووڈ کے سلطان سلمان خان کو بھی خوفزدہ کردیا اور انہوں نے اپنی فلم 'دبنگ3' کے اسکرپٹ پر ایک بار پھر کام شروع کرکے اس کی ریلیز آگے بڑھادی ہے۔

2018 بالی ووڈ کے دو بڑے خانز عامر اور سلمان خان کے لیے بہت ہی خراب رہا ہے، اس سال ریلیز ہوئی سلمان خان کی فلم 'ریس 3' اور عامر خان کی 'ٹھگز آف ہندوستان' باکس آفس پر اوندھے منہ گر پڑی ہیں، یہ دونوں ہی فلمیں بہت بڑے پیمانے پر ریلیز کی گئی تھیں لیکن دونوں فلموں کو باکس آفس پر توقع کےمطابق نتیجہ نہ دے سکیں۔

لہٰذا جو حال 'ٹھگز آف ہندوستان' کا ہوا ہے اسے دیکھتے ہوئے سلمان خان کافی ڈر گئے ہیں اور انہوں نے اپنی آنے والی فلم 'دبنگ3' کی ریلیز آگے بڑھادی ہے۔

سلمان خان 'دبنگ3' کو 2020 میں کرسمس کے موقع پر ریلیز کریں گے، اس کے ساتھ انہوں نے 'دبنگ3' کی ٹیم کو ہدایت کی ہے کہ فلم کے اسکرپٹ پر نظرثانی کرکے اس مزید نکھارا جائے تاکہ شائقین کو کسی طرح کی شکایت نہ ہو۔