40 سالہ دولہا کو کم عمر لڑکی سے شادی مہنگی پڑ گئی

ختوری ملاح کے سوتیلے والد کی اطلاع پر ٹنڈو محمد خان پولیس کا گوٹھ میں چھاپہ۔ فوٹو: فائل

---

12 سالہ لڑکی سے شادی کرنے پر تھانہ سٹی پولیس نے40 سالہ دولہا کو گرفتار کر لیا۔

گوٹھ حاجی لونگ چھٹو کے رہائشی اورکمسن دلہن کے سوتیلے باپ محمد ہاشم چھٹو نے تھانہ سٹی پرایف آئی آر درج کرواتے ہوئے بتایا کہ لڑکی کے حقیقی والد میر محمد ملاح نے اپنی 12 سالہ بیٹی ختوری ملاح کی 40 سالہ شخص محرم مکرانی سے جبری شادی کرائی ہے جس پر ایس ایچ او سٹی محمود خان نے مذکورہ گوٹھ پر چھاپہ مار کر دولہا محرم مکرانی کو گرفتار اور کمسن دلہن کو تحویل میں لے لیا۔

دوسری جانب لڑکی نے پولیس کو بیان دیا کہ اس نے اپنی مرضی سے شادی کی ہے۔ پولیس نے چائلڈ میرج ایکٹ کے تحت مقدمہ درج کر کے ملزم کو حوالات میں بندکردیا۔