پشاور نامعلوم افراد کی فائرنگ سے سینئر پولیس افسر ڈرائیور سمیت جاں بحق

سعید آباد میں ٹریفک محکمے کے سینئر پولیس افسر کو گھر سے نکلتے ہوئے موٹر سائیکل پر سوار نامعلوم مسلح افراد نے گولیوں کا نشانہ بنایا۔ فوٹو: فائل

---

سعید آباد میں نامعلوم مسلح افراد نے ایک سینئر پولیس افسر کو ڈرائیور سمیت فائرنگ کا نشانہ بنا کر قتل کر دیا۔

سعید آباد میں ٹریفک محکمے کے سینئر پولیس افسر کو گھر سے نکلتے ہوئے موٹر سائیکل پر سوار نامعلوم مسلح ملزمان نے گولیوں کا نشانہ بنایا، حملے میں پولیس افسر اور ان کا ڈرائیور جاں بحق ہو گئے۔

سینئر پولیس افسر خالد حمید حمدانی اور مقامی پولیس اسٹیشن کے سربراہ ارشد خان نے واقعے کی تصدیق کر دی۔ سینئر پولیس افسر خالد حمید حمدانی نے کہا کہ ملزمان کی شناخت کے حوالے سے ابھی کچھ بھی کہنا قبل از وقت ہو گا لیکن ایک بات واضح ہے کہ پولیس اس وقت دہشت گروں کے نشانے پر ہے۔