دپیکا اور رنویر کی 2 روز میں دوسری بار شادی

15 نومبر کو دونوں اسٹارز کی ایک بار پھر سندھی روایات کے مطابق شادی انجام پائی۔ فوٹوفائل

---

نامور بالی ووڈ اداکارہ دپیکا پڈوکون اور رنویر سنگھ ایک بار پھر شادی کے بندھن میں بندھ گئے۔

بالی ووڈ کی سپرہٹ جوڑی دپیکا پڈوکون اور رنویر سنگھ گزشتہ روز14 نومبر کو کونکنی رسم و رواج کے مطابق شادی کے بندھن میں بندھے تھے اور آج یعنی 15 نومبر کو دونوں کی ایک بار پھر سندھی روایات کے مطابق شادی انجام پائی۔



دپیکا کا تعلق انڈو آریان قوم سے ہے لہٰذا پہلے شادی کونکنی رواج کے مطابق ہوئی جب کہ رنویر سنگھ سندھی ہیں لہٰذا دوسری بار شادی سندھی رسوم کے مطابق انجام پائی۔ یہ بات رنویر کے پاکستانی مداحوں کے لیے نہایت دلچسپی کا باعث ہوگی کہ رنویر کا تعلق پاکستان کے صوبہ سندھ سے ہے اوران کے دادا سندر سنگھ بھاونانی پہلے کراچی میں رہتے تھے تقسیم کے وقت وہ ممبئی منتقل ہوگئے تھے۔

یہ بھی پڑھیں: دپیکا رنویرکوشوبزستاروں کی جانب سے شادی کی مبارکباد



دپیکا پڈوکون اور رنویر سنگھ نے کونکنی رسوم کے مطابق ہونے والی شادی کے لیے سفید رنگ کے لباس کا انتخاب کیاتھا جب کہ میڈیا رپورٹس کے مطابق دلہا دلہن نے سندھی روایات کے مطابق ہونے والی شادی کے لیے سرخ لہنگے اورسفید شیروانی منتخب کی۔



سخت سیکیورٹی ہونے کے باوجود دونوں کی شادی کی کچھ تصاویر لیک ہوئی ہیں جن میں مہمان سفید رنگ کے لباس میں اور رنویر سنگھ سفید کرتے میں نظر آرہے ہیں جس پر سنہری کڑھائی کا کام نظر آرہا ہے۔نیا شادی شدہ جوڑا آج شام تک اپنی شادی کی آفیشل تصاویر سوشل میڈیا پر شیئر کرے گا۔

#WATCH: Visuals from Villa del Balbianello at Lake Como, the wedding venue of Deepika Padukone & Ranveer Singh, in Italy's Lombardy pic.twitter.com/47Jk1MmU2j

— ANI (@ANI) November 14, 2018