سابق کپتان جاوید میانداد کراچی سے نیا ٹیلنٹ سامنے نہ آنے پر سخت مایوس ہیں۔

میڈیا سے بات چیت میں جاوید میانداد نے کہا کہ ایک زمانے میں کراچی کرکٹ کا مرکزکہلاتا تھا مگر اس وقت یہاں کی کرکٹ درست سمت میں نہیں چل رہی، طویل عرصے سے شہر قائد سے کوئی کھلاڑی سامنے نہیں آیا۔

انھوں نے کہا کہ کراچی کرکٹ مخصوص کھلاڑیوں ہی کے گرد ہی گھوم رہی ہے، اس حوالے سے کے سی سی اے اپنی ذمہ داری ادا نہیں کر پا رہی، میں جب بورڈ میں تھا تب کراچی کو پیسے بھی ملے مگر کرکٹ کے لیے کچھ نہیں کیا جا سکا،کروڑوں کی آبادی سے کوئی کھلاڑی سامنے نہ آنا افسوسناک ہے۔